星期四, 5月 05, 2005

街訪,好驚?

今天出外景拍頭條的歌仔,拍攝時間由一時至到五時,足足四小時,而出街的總長是...around 60秒!其實,這個環節一向也是這樣的,觀眾如果看清楚一些,會發覺在短短的一分鐘內,鐘頭及場景的轉換是很多的!

今天要在尖東近去理工的行人天橋位做街訪,主要問的問題是你對政府想立例全面禁煙的看法。街訪是我最怕做的東西,因為通常問十個路人有八個會失敗。今天更有過之而無不及,其中有D當你透明,有D話好趕時間,有D淨係識笑住話唔做,有D推開你,有D話冇意見唔好問佢。不過,最攪笑是今日有幾個好似朗拿度,先用假身閃過你,然後加速高速放你,最後GOAL!

我今日也做到有少少火,我在追一個朗拿度時有D寸甘大聲問:「好驚咩你...下?係唔係好驚啊?」容許我作少少假設,我覺得這個朗拿度有可能是理工學生。

一路全程看著我們整隊四人crew可憐經過的,有兩個外地遊客。當然,對於他們來說這是一個有趣和獨特的旅遊景點,他們看著我們,不時發出陣陣笑聲... 臨走,看著他們,我從他們的眼神裡好像看到一句說話:「你地D香港人,好小家,好cheap啊...」

10 Comments:

At 5/06/2005 10:36 上午, Anonymous 龍吐珠 said...

「好驚咩你...下?係唔係好驚啊?」
呢句十個好笑!

 
At 5/06/2005 11:44 上午, Blogger pig said...

成日想問,MTV裡面有plasma 電視果間係唔係你屋企?

 
At 5/06/2005 10:43 下午, Blogger Florence said...

我都做過街訪,絕對感同身受,對你的遭遇深表同情,都唔知點解D人一見到個鏡頭,就會走夾唔抖,唉,講幾句野吧了,又不是?你命,真係好唔明

 
At 5/06/2005 11:35 下午, Blogger 林子揚 said...

網誌管理員已經移除這則留言。

 
At 5/06/2005 11:36 下午, Blogger 林子揚 said...

Pig:yes ar... 是我的屋企

Florence:都係個句,D人好小家。

 
At 5/07/2005 12:38 上午, Blogger 英文老鼠@發癲中 said...

其實個D唔肯接受訪問的人,係唔係心虛呢?佢地可能正在吞「pork」,所以絕對唔可以出鏡!

 
At 5/07/2005 5:02 上午, Anonymous Vincent Fong said...

坦白講, 路人害怕出鏡, 一來突顯本地人懼怕公開表達意見的特質外, 二來亦可視為不信任陌生人的反應。城市人都是這麼樣。

你試下找黃子華叫人做街訪, 成功率會高d.

在傳播謀體眾多, 良莠不齊的年代。 一部攝影機, 一個採訪者, 在街上的待遇, 亦不一定會比派傳單受歡迎多少。

要其他人變得友善, 互信, 公義, 大概是社會問題。而影響社會最廣最快的, 又正是傳播謀體本身。因果難究。

若果你不友善地問我, 「好驚咩你...下?係唔係好驚啊?」
我可能會答: 「好威咩你...下?係唔係覺得自己高人一等, 好威風啊?痴線架你?」
然後五秒內, 我會好驚, 後悔一時衝動, 因為我怕出街時會被斷章取義, 變成一句對幾百萬人怒吼:「痴線架你?」

所以, 我變成朗拿度, 一夜間, 電視螢光幕前, 化出千千萬萬個朗拿度。

我信得過你, 所以我跟你多說心事。傳謀, 你信得過嗎?

 
At 5/07/2005 11:29 上午, Blogger 林子揚 said...

Vincent:講真,我是追著他來問的,我想朗拿度根本聽不到我講野。其實當時我正在自我安慰及療傷。

 
At 5/08/2005 8:25 上午, Anonymous 匿名 said...

I am very disappointed to read what you have written today for the Apple Daily. It is almost the same as this one! I hope you could understand that, I have paid for the newspaper and I expected more. And this is not the first time!

And yes I chose to be anonymous because who I am is irrelevant.

 
At 5/08/2005 11:59 上午, Blogger 一毫子 said...

你call我去充?場面嘛!!

 

發佈留言

<< Home